Оразаның аяқталуына орай тойланады. Бұл мейрам Рамазанмен қоштасуды білдіреді және мүмінге Раббысының берген нығметтеріне шүкіршілік ету мүмкіндігін береді. Бұл жалпыға ортақ қуаныш пен үміт күні. Жаратқан Ие бізге осы ұлы оразаны ұстауды нәсіп еткені үшін қуаныш, және Алла Тағала құлдарының ғибадаттарын қабыл етіп, күнәларын кешіреді деген үміт. Сонымен қатар, бұл күн Мұхаммед пайғамбарымыздың (оған Аллаһтың игілігі мен сәлемі болсын) үлкен бір үмбетінің бөлігі бола отырып, барша мұсылмандардың біріккен күні.

Осы мерекенің алдындағы түнде және айт намаз басталмас бұрын мүміндер міскін-пақырларға садақа [пітір садақасы] беруі керек. Әдетте, бұл арпа, кептірілген жемістер мен азық-түлік немесе ақша болуы мүмкін. Бұл мерекенің таңында мұсылмандар арнайы жамағат намазын оқып, имамның уағызын тыңдауы керек. Осыдан кейін бір-бірін оразаның аяқталуымен құттықтайды. Мұсылмандар мерекелік киімдерін киіп, көршілеріне, туыстарына барады немесе оларды өз үйлеріне қонаққа шақырады. Ораза айтта үй шаруасындағы әйелдер ерекше мерекелік тағамдар дайындайды, ал ер адамдар үй ішіндегілерге тосын сыйлар мен сыйлықтарды жасауға сараңдық танытпауы керек. Әдетте, мұсылман елдерінде мереке күндері барлығы демалады. Дүкендер, мектептер, университеттер және басқа да мекемелер жабылады.